莫迪歷宣布　季尾離開皇馬

39歲克羅地亞隊長莫迪歷周四(22日)在個人社交平台宣布，今季結束後離開皇家馬德里，周六西甲對皇家蘇斯達成為佢喺巴拿貝球場嘅告別戰。

莫迪歷在IG發文稱，話自己「時間到了」，2012年加盟至今，早已視皇馬為家，帖文中附上多幅相片，由佢加盟第1日，到捧起歐聯獎盃，以及贏得金球獎，將整個皇馬生涯，同大家一齊回味。

據報莫迪歷同皇馬合約至6月30日，在巴拿貝踢西甲主場告別戰後，「魔笛」仍會為皇馬出戰今夏在美國舉行嘅世冠盃。

莫迪歷只表示離開皇馬，並未宣布掛靴，可能佢會以自由身搵班落，準備明年北美世界盃決賽周。