曼聯「瘦身」10人離隊　一毫子都收唔到

曼聯正在積極「瘦身」，根據英國各大傳媒報道，紅魔鬼將會有10位球員離隊，但都係約滿自由身走人，意味收唔到轉會費，未能改善財政問題。

呢張10人離隊名單，有4位係一隊球員，包括莊尼伊雲斯退休，域陀連迪路夫、基斯甸艾歷臣、後備門將湯希頓合約屆滿，可以自由身離開。雖然湯希頓現時仲傾緊續約，但估計成事機會不大。至於另外6位離隊球員屬於青年軍小將，對紅魔鬼陣容影響不大。

曼聯主帥魯賓艾摩廉希望為球隊進行大換血，早前已確定收購狼隊前鋒馬菲奧斯根夏，預料新兵將陸續有來。