【官宣】列斯聯今夏第一簽　德國國腳免費加盟

來季升上英超嘅列斯聯周一(16日)官方宣布，簽入德國前鋒盧卡斯尼美查，免轉會費，簽約2年，亦係列斯聯今夏第1簽。

26歲嘅盧卡斯尼美查於曼城青訓出身，但大部分時間外借其他球隊，在藍月亮僅上陣3場，其外借經歷去過德甲、英冠同比甲，2021年正式轉投禾夫斯堡，上陣4季共73場攻入19球，今次加盟列斯聯亦係佢正式回歸英超。

尼美查是現役德國國腳，上陣7次，今夏與禾夫斯堡約滿，回復自由身，列斯聯官方發文大讚尼美查係一名出色射手，可勝任中鋒及邊路角色，而且身型高大硬朗具備極強對抗能力，令鋒線戰術有更多選擇。