干地再搵車仔兵　睇中奧杜爾

干地宣布續留拿玻里之後，已向會方提交今夏增兵名單，當中包括車路士出身嘅諾定咸森林前鋒赫臣奧杜爾，據報干地一直有留意呢位英格蘭前鋒，有意帶佢過嚟意甲發展。

干地同赫臣奧杜爾早有淵源，2017至18年執教車路士期間，就提拔該小將上一隊，並上陣4次，可以話係佢啟蒙導師，不過之後赫臣奧杜爾嘅發展並唔如意，踢過利華古遜，前年轉投森林至今，森林今季成績突飛猛進，佢出力唔少。

24歲嘅赫臣奧杜爾同森林合約尚餘1年，如果唔續約，今夏勢必被出售。至於干地一直不滿拿玻里季中出售基華拉斯基利亞，今夏希望補充前鋒空缺，佢認為24歲嘅赫臣奧杜爾係合適人選。