湯希頓續約　曼聯門將陣容維持不變

曼聯新球季改革又觸礁，據報會方對於門將陣容換血一籌莫展，近日決定向現實低頭，與約滿嘅第3門將湯希頓續約1年，至於奧拿拿已表明拒絕離隊，比恩迪亞出售計劃亦受阻，新球季門將陣容極可能維持不變。

「轉會專家」羅曼諾報道，39歲嘅湯希頓已於今夏約滿，按原定計劃，佢會同莊尼伊雲斯一齊掛靴，然後加入曼聯青訓教練團，但結果只有莊尼伊雲斯結束球員生涯，湯希頓獲得魯賓艾摩廉留用，至少續約1年，並即將官宣。

至於2號門將比恩迪亞，曼聯打算將球員出售，向土耳其4大勁旅加拉塔沙雷、費倫巴治、比錫達斯及特拉布宗推薦，但4隊均表態拒絕接收，來季好大機會留在曼聯。

由於3位門將都留隊，曼聯簽入阿士東維拉門將達米安馬天尼斯嘅計劃，勢必無法實行，新球季曼聯門將陣容好大可能維持不變。