耶馬7.1「加冕」　繼承巴塞10號戰衣

巴塞隆拿翼鋒拉明耶馬已成為隊內核心人物，作用可媲美昔日美斯，根據西班牙傳媒爆料，巴塞官方將於7月1日正式宣布，呢位17歲西班牙國腳新一季着代表王牌嘅10號球衣。

拉明耶馬表現天才橫溢，早已盛傳佢將會獲得10號波衫，加上原本10號仔安素法迪即將落實轉投摩納哥，為耶馬「登基」掃清最後障礙。事實上，耶馬可能一早知道球隊新一季波衫號碼分配，日前喺社交網上載自己身穿19號球衣比賽相片，配上文字話：「我嘅號碼、我嘅歷史。」似乎暗示新球季將「送舊迎新」。

不過，有網民擔心拉明耶馬中「魔咒」，因為安素法迪都係年少得志，出道初期被譽為「美斯接班人」，但改着10號球衣後，長期受傷患問題困擾，事業急速下滑，2023/24年球季被外借去白禮頓，剛過去球季僅為巴塞上陣11次，現時即將被出售去摩納哥。