西甲賽程出爐　5月國家打吡或成「冠軍戰」

25/26球季西甲賽程周三(2日)公布，最受關注嘅「國家打吡」安排喺一頭一尾時間上演，首循環喺第10輪(10月25-26日)由皇家馬德里主場出擊，次循環就要等到5月9-10日，由巴塞隆拿喺魯營球場布陣，呢場會係第35輪賽事，好可能會係決定冠軍嘅生死戰。

有新帥沙比阿朗素上任嘅皇馬，開季賽程唔算太難，開咧戰主場對奧沙辛拿，之後就會作客新升班嘅奧維多；皇馬第1個大難關，會係第7輪作客馬德里體育會，相信沙比阿朗素會有足夠時間磨合球隊。

至於巴塞隆拿新一季回歸翻新嘅魯營球場，不過100%完工要等到明年6月，因為施工問題巴塞隆拿新季頭3輪都係作客，分別對馬略卡、利雲特同華歷簡奴，相信問題唔大；至於新魯營球場首場西甲，會係9月14日主場對華倫西亞。新一季西甲會喺8月17日展開，明年5月24日收咧。