限時特賣！杜費斯「神秘條款」掀搶購戰

國際米蘭今個夏天全面重建，下一個離隊嘅可能係荷蘭國腳杜費斯！據意大利傳媒爆料，呢位荷蘭翼衞合約內嘅「限時特賣」條款開啟，任何球會只要支付3,000萬歐元轉會費就可以搶人，巴塞隆拿同曼聯都密切關注。

據《米蘭體育報》報道，杜費斯上年底同國米續約到2028年，但係合約內有個神秘條款，由7月1日開始到月中有段「限時特賣」時間，違約金只需3,000萬歐元，喺呢個世代嚟講絕對係「超筍價」，尤其29歲嘅杜費斯被公認係當今最佳翼衞之一。

消息指巴塞隆拿同曼聯一直對杜費斯虎視眈眈，呢個神秘條款依家已經開啟，好大機會掀起爭奪戰。據報曼聯早前曾計劃，一口氣「打包」國米兩名守將杜費斯同恩比錫克，魯賓艾摩廉視杜費斯為佢3-4-3陣式下右翼衞最佳人選。