利物浦證實：迪亞高祖達西班牙車禍身亡

據西班牙傳媒報道，利物浦前鋒迪亞高祖達於周四（3日）在西班牙薩莫拉省遇車禍喪生，終年28歲。

據報迪亞高祖達同家人去西班牙旅行，事發時佢同26歲嘅弟弟安德烈都喺車上，架車因爆胎失控而衝出道路並着火，根據報警嘅目擊者稱，車輛被火燄吞沒，火勢還蔓延到了附近的草地，雖然消防員、救護車及交通警已迅速趕到現場，可惜最終證明兩人當場身亡。

迪亞高祖達於兩周前先至同相戀13年嘅女朋友結婚，並且育有3個兒女，估唔到遭逢橫禍。利物浦官方證實此噩耗，但基於家人要求及私隱，唔會作出任何評論。利物浦同時承諾為祖達家人提供全力協助。

唔少球迷湧到利物浦，向呢名2020年加盟球會嘅中場，獻花表達哀悼。