海倫決心留效曼聯　拒絕國際米蘭斟介

曼聯今夏早早簽入巴西前鋒馬菲奧斯根夏後，買人計劃就停滯不前，盛傳將被賣走嘅丹麥前鋒海倫，據報已向曼聯表明繼續留效嘅決心，無意接納國際米蘭聘約。

轉會消息權威羅曼諾報道：「海倫今個夏天唔想離開曼聯，佢已下定決心留低，唯一轉會嘅可能性，就係曼聯堅持要賣走佢。國際米蘭同海倫斟介幾個星期，依家只能靜心等待。」

現年22歲嘅海倫，早前喺丹麥受訪亦表示：「我同曼聯仲有估約(到2028年)，所以我預期會繼續為曼聯效力，我對球會依家實行緊嘅計劃好有信心。」

曼聯如果決意賣走海倫，據報已經有其他候選前鋒目標，包括奧尼屈堅斯、卡維特利雲等等。