「黑貓」做大事！力斟格列沙加返英超

新一季重返英超嘅「黑貓」新特蘭，喺轉會市場表現非常積極，據報佢哋目前正同利華古遜斟介，希望將瑞士國腳中場格列沙加帶返英超。新特蘭喺夏天已用超過1億鎊增兵，非常進取。

據《The Athletic》報道，新特蘭對32歲嘅格列沙加好有興趣，雖然呢位前阿仙奴隊長依家合約去到2028年，但利華古遜今夏「星散」，教練亦有沙比阿朗素換成坦哈格，令格列沙加亦萌生去意。

格列沙加同時受到沙特球會垂青，但重返英超無疑更具吸引力，新特蘭打算用860萬鎊將佢收購，並同意開出3年合約，等待格列沙加作出決定。

新蘭特今夏已用超過1億鎊收購6名新球員，包括用破球會紀錄3,000萬鎊轉會費，收購斯特拉斯堡中場夏比迪亞拉，亦用2,100萬鎊簽入白禮頓翼鋒西蒙艾丁拿。