阿仙奴世冠盃期間斟包連夏　拜仁願放人

阿仙奴全速增兵，據報佢哋喺世冠盃期間接觸拜仁慕尼黑葡萄牙中場祖奧包連夏，拜仁願意放人，標價2,600萬鎊(2.73億港元)。

阿仙奴簽入蘇比文迪後，希望在防中位置上再添球員，具英超經驗嘅祖奧包連夏係理想人選，德國傳媒報道，阿仙奴接觸包連夏，雙方交換意向及薪酬要求，下一步就搵拜仁談判。

拜仁去年夏天由富咸簽入包連夏，但在高柏尼麾下並非必然正選，全季僅上陣25場，會方樂意將呢位剛滿30歲嘅防中出售，標價2,600萬鎊，而阿仙奴並非唯一買家，仲要面對來自AC米蘭、西甲同土超競爭。