盡地一煲！曼聯加碼到7000萬鎊買麥比奧莫

曼聯早前3次報價收購賓福特前鋒麥比奧莫失敗後，仍然唔放棄，並決定再加碼，根據「轉會權威」記者羅曼諾(Fabrizio Romano)爆料，紅魔鬼同意將轉會費提升至7,000萬鎊(約7.4億港元)，以滿足賓福特要求。

曼聯由最初提出5,500萬鎊收購麥比奧莫，其後分別加碼至6,000萬鎊、6,500萬鎊，但賓福特都不為所動，皆因不滿浮動轉會費比例太高。據悉紅魔鬼最新報價總值7,000萬鎊，當中包括6,500萬鎊固定轉會費，以及500萬浮動轉會費，有信心賓福特會同意放人，將於下月26歲嘅麥比奧莫上季上陣42場入20球及9次助攻。

事實上，麥比奧莫早已渴望轉投曼聯，加上紅魔鬼再次加碼後，金額已經非常高，賓福特冇理由再阻止佢成「魔」。據悉賓福特已為麥比奧莫離隊做準備，計劃以3,500萬鎊收購葉士域治翼鋒奧馬利赫捷臣，接替呢位喀麥隆國腳。