新特蘭再增兵　法國翼鋒即將加盟

今夏大肆擴軍嘅英超升班球隊「黑貓」新特蘭，又有增兵行動，據報佢哋同意乙薩斯索羅嘅26歲法國翼鋒羅蘭特達成協議，即將完成交易，轉會費2,000萬歐元(約1.82億港元)。

「轉會專家」羅曼諾以招牌here we go!認證，今次轉會進入最後階段，轉會費單純只有2,000萬歐元，當中不包含浮動獎金，而球員個人條件亦已達成協議。

羅蘭特是法甲雷恩青訓產品，曾入選法國U21，升上一隊後被多次外借，2019年在羅連安特站穩陣腳，其後更正式轉會，2022年轉赴意大利加盟薩斯索羅至今，上季上陣34場入19球。

新特蘭出售祖比比寧咸後，近期愈買愈多人，羅蘭特將會係「黑貓」今夏第7名新兵。