麥比奧莫周日加盟曼聯　根夏證實這消息？

曼聯即將完成收購賓福特前鋒麥比奧莫，根據英國各大傳媒報道，紅魔鬼最終出價7,100萬鎊(約7.47億港元)買入呢位即將26歲嘅喀麥隆國腳，預料佢將於英國時間周六(19日)稍後時間接受體測，最快周日(20日)簽約，並會跟隨曼聯前往美國踢季前熱身賽。

曼聯經過多次加碼之後，最新提出總值7,100萬鎊轉會費，包括6,500萬鎊固定轉會費及600萬鎊浮動轉會費，令賓福特同意放人。另1支英超勁旅熱刺亦曾經計劃收購麥比奧莫，但佢傾向成「魔」。

「轉會權威」記者羅曼諾(Fabrizio Romano)發現，曼聯新兵馬菲奧斯根夏讚好社交網Instagram關於麥比奧莫加盟曼聯嘅報道，似乎已經收到風，新一季將會同佢合作。