曼聯劈價60%　AC米蘭想平簽海倫

曼聯今夏已經收購狼隊前鋒馬菲奧斯根夏，加上賓福特射手麥比奧莫亦即將來投，進一步增加出售海倫嘅可能性，根據英國《太陽報》爆料，紅魔鬼願意以2,950萬鎊(約3.1億港元)出售呢位22歲丹麥國腳，AC米蘭想趁機執平貨。

海倫2年前以7,200萬鎊轉會費由意甲球隊阿特蘭大加盟曼聯，但演出令人失望，首季上陣43場入16球，上季52次披甲更加只有10球進帳，表現每況愈下。英國《太陽報》指曼聯已將海倫「劈價」至2,950萬鎊，但求有買家接貨，換言之比2年前買入價貶值60%。

AC米蘭現時需要簽入前鋒，加上海倫之前踢意甲有不俗表現，所以計劃提出斟介。事實上，早前亦傳出另1支意甲球隊國際米蘭有興趣簽海倫，睇來佢重返意甲機會相當高。