莫迪歷獻計　幫助AC米蘭搶購皇馬左閘

AC米蘭早前將左後衞迪奧靴南迪斯出售畀沙特豪門希拉爾之後，急需要填補空缺，但要簽入具級數左閘並非易事，據悉新加盟嘅中場莫迪歷向會方推薦前皇馬隊友法蘭加西亞，並願意親自遊說呢位25歲西班牙國腳來投。

AC米蘭上季聯賽僅排第8位，無緣下屆歐洲賽，難以吸引當打球星加盟，莫迪歷願意以個人影響力為球會招攬人才，尤其是簽左閘方面幫到手，佢認為法蘭加西亞係合適人選，如果A米簽到佢，足以抵消迪奧靴南迪斯離隊嘅影響。

事實上，法蘭加西亞喺剛過世冠盃有出色表現，包括8強對多蒙特射入1球，但係「銀河艦隊」左閘位置競爭激烈，除咗有法蘭加西亞及費蘭特文迪之外，早前仲以5,000萬歐元(約4.6億港元)向賓菲加收購艾華路費南迪斯，法蘭加西亞新一季上陣時間恐怕唔會多，反觀轉投AC米蘭應可穩坐正選，的確有機會去跟莫迪歷搵食。

不過，AC米蘭最多只會用3,000萬歐元(約2.7億港元)買左閘，皇馬是否接受呢個價錢實屬疑問。