跟隨福仔步伐　加拿祖想去維拉

拉舒福特如願轉投巴塞隆拿，其曼聯隊長阿歷真度加拿祖希望跟隨師兄步伐，今夏轉投阿士東維拉，爭取「重生」。

英國傳媒報道，雖然受拿玻里青睞，但加拿祖希望留喺英超，對於跟隨艾美利感到興趣，願意去維拉發展。其實除咗維拉，車路士同熱刺都對加拿祖有興趣，但加拿祖個人更願意轉投維拉，並正研究同艾美利合作嘅可能性，並得到唔少正面評價。

艾美利對於激發天才潛能確有一手，例如摩根羅渣士就有大幅進步，而拉舒福特上季季中外借到維拉，立即交出好表現，加拿祖同拉舒福特同屬曼聯青訓產品，加拿祖亦打算跟隨佢步伐，過檔維拉歷練。