曼聯搵中鋒3選1　改用「佛系」策略

曼聯重金簽入馬菲奧斯根夏及麥比奧莫，消耗甚巨，據報佢哋正在物色中鋒，正與3名心儀人選接觸，分別係班捷文施斯高、奧尼屈堅斯及尼高拉斯積遜，不過曼聯今次並不積極追求，改用「佛系」策略斟介，希望降低成本。

曼聯簽入根夏及麥比奧莫，轉會費總數為1.33億鎊(約14億港元)，魯賓艾摩廉嘅3箭頭已經買入左、右前鋒，中鋒位置暫時只有海倫，攻力略嫌不足，因此要繼續物色中鋒，本來艾摩廉最想簽佢士砵亭嫡系約基利斯，但對方決定去阿仙奴，而利安戴納又已加盟車路士，市場上餘下人選都係次選，所以唔心急。

目前曼聯中鋒人選有3人，分別係RB萊比錫嘅班捷文施斯高、阿士東維拉嘅奧尼屈堅斯，同埋車路士嘅尼高拉斯積遜，曼聯已派專人同上述3人接觸，不過並不強求，希望能以低價簽入1名中鋒。