曼聯想借達米安馬天尼斯　維拉咁回應

曼聯門將奧拿拿受傷長抖之後，會方計劃向阿士東維拉借用鋼門達米安馬天尼斯，以解燃眉之急，但維拉只願意直接出售呢位阿根廷國腳，並要求4,000萬鎊轉會費(約4.2億港元)。

由於阿士東維拉財政欠佳，上季結束之後，已傳出有意出售達米安馬天尼斯，希望整靚盤數，以符合英超賽會要求。曼聯只提出借用，無助維拉增加收入，會方自然拒絕，除非紅魔鬼直接買斷達米安馬天尼斯，先至有得傾。

不過，達米安馬天尼斯已經32歲，曼聯會方認為佢唔值4,000萬鎊，導致交易陷入僵局。達米安馬天尼斯仲有4年合約在身，佢有份隨隊飛去美國踢季前熱身賽，最終可能繼續留隊。