格列沙加赴英體測　回歸英超簽約新特蘭3年

今季重返英超嘅新特蘭，即將獲得前阿仙奴球星格列沙加來投，「黑貓」開價1,700萬鎊收購呢位瑞士中場獲利華古遜接納，格列沙加已即時坐私人飛機飛英格蘭做體測，完成後會正式簽約3年。

32歲嘅格列沙加曾效力阿仙奴7年，2年前轉投利華古遜贏過德甲冠軍，不過利華古遜今個夏天星散，沙比阿朗素、科利安華迪斯等全部離隊，格列沙加亦決定回歸英超。

新特蘭升上英超後大展拳腳，連埋收購格列沙加，夏天花咗1.14億鎊買球員，係傳統「Big 6」以外花費最多嘅英超球隊，其餘新球員包括西蒙艾丁拿、夏比迪亞拉等等。