紐卡素羅致蘭斯達爾　曼聯即斟普比

英超門將大執位，紐卡素周三(30日)同修咸頓達成協議，將借用英格蘭門將蘭斯達爾1季。隨住蘭斯達爾加盟，紐卡素原本正選龍門尼克普比就冇碇企，據報曼聯已準備出手搶人。

27歲嘅蘭斯達爾上年由阿仙奴轉投修咸頓，結果降班收場，紐卡素收購占士查科特失敗報，即轉移目標，迅速傾掂借用蘭斯達爾1季，借用期完結後有權將佢買斷。

蘭斯達爾預計將成為正選，33歲嘅尼克普比好大機會離隊，據《talkSPORT》報道，一直想引入新門將同奧拿拿競爭嘅曼聯，正準備出手斟介，轉會費約1,000萬鎊至1,500萬鎊。