超級電腦預測　曼市雙雄成下季英超大贏家

新一季英超將於8月15日展開，《Sportscasting》使用超級電腦計算，預測各隊成績，結果顯示曼城王者再臨，將會奪得冠軍，同市宿敵曼聯表現亦大躍進，將以第5位過終點。

曼城連奪4季英超冠軍之後，上季斷纜僅排第3位，但根據今次超級電腦預測，「藍月亮」將會大復甦，重登王者寶座，阿仙奴繼續做「二奶」成為亞軍。最令人意外係上季冠軍利物浦，今夏豪花2.9億鎊(約30.4億港元)增兵，但只能獲得季軍，車路士繼續排第4位。

至於上季僅排15位嘅曼聯將會全面復甦，取得第5位，另1支「落難豪門」熱刺亦會回勇，由上季17位，新一季將以第7位過終點，阿士東維拉排第6位。另外，3支新升班球隊般尼、新特蘭、列斯聯將會一齊降班。