沙職推行私有化　C朗擁艾納斯20%股權

近年大搞嘅沙職，各大豪門都係由沙特公共投資基金持有，據報佢哋正推行私有化，每隊75%股權將向投資者出售，其中艾納斯勢必成搶手貨，王牌前鋒C朗已擁有艾納斯20%股權，成為持股比例最高嘅股東。

沙特傳媒報道，沙特公共投資基金打算在半年內出售艾納斯、希拉爾、伊蒂哈德同吉達艾阿里等隊股份，每隊75%股份將向投資者發售，市場預計反應踴躍，艾納斯作為沙職「生招牌」，係估值最高一隊。

C朗2023年加盟艾納斯，除咗2億歐元年薪，亦包括艾納斯股份，C朗最近同艾納斯續約2年，其艾納斯股權進一步增加，最新數據顯示，C朗嘅持股已經達到20%，係球隊班主之一。