一個時代終結　熱刺2019歐聯決賽正選全走人

熱刺隊長孫興民宣布將於今夏離隊之後，意味呢支北倫敦勁旅出戰2019年歐聯決賽嘅11位正選球員全部走人，標誌一個時代終結。

孫興民效力熱刺10年，除咗協助球隊奪得上屆歐霸盃冠軍之外，另一個輝煌時刻肯定係打入2019年歐聯決賽，可惜以0比2不敵利物浦。

睇番該仗熱刺11位正選球員，得番「孫仔」1人現時仍然在陣，其他球員一係已經轉會，一係已經掛靴，最轟動必定係射手哈利卡尼兩年前以1億歐元(約9.1億港元)轉會費加盟拜仁慕尼黑，令佢同最佳拍檔孫興民拆夥。

至於當時隊長門將洛里斯上年轉投FC洛杉磯，據悉孫興民亦可能加盟呢支美職球隊，兩人有望再次合作。

熱刺2019年歐聯決賽正選(現時效力球隊)

門將：洛里斯(FC洛杉磯)

後衞：捷比亞(紐卡素)、艾達韋列特(退役)、維頓漢(退役)、丹尼路斯(退役)

中場：穆沙施素高(屈福特)、哈利雲克斯(李斯特城)、迪利阿里(科木)、基斯甸艾歷臣(自由身)

前鋒：：哈利卡尼(拜仁慕尼黑)、孫興民(即將離隊)