C朗落柯打　艾納斯想買格連活特

C朗同艾納斯續約後，直接成為球隊組軍代理人，據報「大哥」最新目標，就係前曼聯小師弟格連活特，不過馬賽唔準備放人，睇嚟艾納斯又要出動銀彈令對方答應。

沙特傳媒報道，艾納斯近日查詢格連活特轉會情況，不過馬賽無意出售，亦唔知道格連活特本人是否願意前往沙特。

假如艾納斯能成功買入格連活特，曼聯都會間接得益，因為去年馬賽由曼聯簽入格連活特時，合約規定曼聯擁有50%轉會分帳，艾納斯出價愈高，曼聯得益愈多。

雖然未知格連活特本人意願，但佢早前已申請退出英格蘭國籍，轉籍代表牙買加，相信佢就算轉戰沙特，都唔會影響佢代表牙買加嘅機會。