波圖歐聯冠軍隊長逝世　摩連奴黯然落淚

以隊長身份協助波圖奪得2004年歐聯冠軍嘅佐治哥斯達因為心臟病發，不幸逝世，終年53歲。當年擔任波圖主帥嘅摩連奴出席記者會期間，提到呢位昔日愛將過身消息時，不禁悲傷哽咽落淚。

佐治哥斯達球員時代大部分時間效力波圖，協助球隊奪得8次葡超、1次足協盃(歐霸盃前身)等多項冠軍，最威水係打入2004年歐聯決賽以3比0大勝摩納哥，當時教練摩連奴亦因而聲名大噪。

佐治哥斯達退役後曾執教多支球隊，上年6月開始擔任波圖總監，周二(5日)佢喺球會訓練基地突然心臟病發，送院之後證賁不治。

現時擔任費倫巴治教練嘅摩連奴出席歐聯外圍賽記者會，講到佐治哥斯達逝世，哽咽落淚話：「佐治係我人生歷史重要部分，依家離開咗，如果佢喺度，一定會同我講，專心注記者會，明天踢好場波，要贏波，忘記我，所以我會完成工作後，盡情痛哭。」費倫巴治將於周四(7日)凌晨歐聯外圍賽第3圈首回合作客飛燕諾。