辛祖成搶手貨！羅馬比錫達斯爭住要

曼聯「炸彈小隊」下一位離隊球員，好大機會係查頓辛祖，據報呢位25歲翼鋒突然搶手，獲羅馬及比錫達斯同時斟介，辛祖優先選擇羅馬，如果9月仲未落班先會考慮比錫達斯。

意大利傳媒報道，曼聯已經同意羅馬報價2,000萬鎊洽購查頓辛祖，羅馬高層一直同辛祖經理人保持溝通，甚至主帥加斯柏連尼更親自聯絡辛祖，表達辛祖擔任羅馬核心角色嘅想法，帶領佢重拾輝煌。

不過辛祖未有即時答應羅馬，佢想等多幾日，再睇有冇加盟其他球隊機會，包括希望佢回巢效力嘅多蒙特。

另邊廂，土耳其傳媒聲稱，比錫達斯對辛祖志在必得，仲已經準備好官方宣傳影片，只等辛祖加盟就可以發放全網，不過消息指，辛祖只視比錫達斯為「水泡」，如果9月仲未落班，先會考慮比錫達斯。