好波好報！杜沙特大幅加薪粉碎離隊傳聞

盛傳夏天可能離隊嘅比利時國腳李安度杜沙特，周三(20日)同阿仙奴達成新約協議，但最特別嘅係，今次簽新合約只係為杜沙特「大幅加薪」，並冇延長合約年期，純粹係獎勵性肯定佢隊中主力地位。

30歲嘅杜沙特2年前由白禮頓轉投阿仙奴，周薪為9萬鎊，呢位翼鋒表現出色，上季38場聯賽全部踢足，所以阿仙奴決定同佢簽新約，畀佢獲得「主力人工」，傳聞加薪到超過15萬鎊，但2027年到期嘅合約長度維持不變。

最近有傳阿士東維拉、韋斯咸都對杜沙特有興趣，而杜沙特喺隊中面對加比爾馬天尼利、馬度基競爭，開咧戰對曼聯亦未獲派上陣，不過呢次簽新合約，似乎粉碎所有離隊傳聞。