搞掂！拿玻里已同海倫達成合約條款

曼聯出售前鋒海倫，取得重大突破，根據意大利《羅馬體育報》爆料，意甲勁旅拿玻里已經同呢位22歲丹麥國腳達成合約待遇條款，雙方將會簽約5年，並有權續約多1年。

由於拿玻里前鋒盧卡古早前受傷，起碼長抖3個月，會方加快斟介海倫，隊內中場麥湯米尼亦致電呢位前曼聯隊友，成功說服佢加盟拿玻里，再次拍住上。據悉拿玻里向海倫開出一份稅後450萬歐元年薪，比佢現時效力紅魔鬼多50%，只要拿玻里同曼聯傾掂轉會費，就可以成事。

拿玻里提出先借後買方案，先以500萬歐元(紉4,550萬港元)借用費簽入海倫，明夏再以4,000萬歐元(約3.6億港元)強制性買斷佢。由於距離轉會窗關閉日子愈來愈近，紅魔鬼為盡快放走呢位「水貨」，好大機會接受拿玻里報價。海倫之前效力阿特蘭大，打出名堂，重返意甲或者有助拯救足球事業。