艾馬臣跳船離開韋斯咸　將投馬賽

開季2連敗聯賽墊底嘅韋斯咸有球員跳船，艾馬臣柏美尼與球隊提前解約，據報呢位31歲巴西左閘將以自由身轉戰法甲，改投馬賽，預計簽約2年。

法國傳媒報道，馬賽曾考慮借用利物浦左閘森美卡斯，其後改變主意，向艾馬臣柏美尼埋手；艾馬臣柏美尼同韋斯咸尚餘1年約，近日雙方協議提前解約，回復自由身，將可免費轉投馬賽。

艾馬臣柏美尼在車路士年代贏過歐聯同歐霸盃，2023年又幫韋斯咸贏歐協聯，成為歐洲3大錦標得主，佢喺韋斯咸效力3季，上陣113場入5球，上季上陣32場入2球1助攻，今季頭兩場都未有上陣。

今次轉戰法甲，對於艾馬臣柏美尼並不陌生，皆因佢曾於2021至22年球季由車路士外借里昂，上陣36場入1球。