截利物浦胡　曼城加入搶購馬克古希

近期一直盛傳利物浦計劃收購水晶宮中堅馬克古希，但現時面臨被曼城截胡，根據英國《太陽報》爆料，「藍月亮」都有意簽入呢位25歲英格蘭國腳。

馬克古希將於明夏約滿，佢無意續約，等轉投豪門大球會，利物浦、熱刺、巴塞隆拿都睇中佢，曼城現時亦加入爭奪戰。據悉「藍月亮」2位後衞文路爾艾簡治、尼敦阿基都有可能離隊，加拉塔沙雷一直想收購文路爾艾簡治，愛華頓有興趣簽入尼敦阿基，一旦兩人離開，曼城就會斥資3,500萬鎊(約3.66億港元)買馬克古希。

英超夏季轉會市場將於英國時間9月1日晚關閉，馬克古希去向問題，好快會有答案。