曼聯「炸彈兵團」開心自拍　個個神采飛揚

曼聯領隊魯賓艾摩廉今個暑假大改革，將一班唔聽教球星放入「炸彈兵團」(Boom Squad)，唔畀佢哋跟大隊練波同比賽。查頓辛祖、安東尼馬菲奧斯等雖然變晒「孤兒仔」，不過辛祖日前就同一班落難隊友開心自拍，個個都神采飛揚，同一隊球員依家嘅心情有天壤之別。

曼聯喺英聯盃被乙組隊甘士比淘汰前，辛祖就喺社交網晒出自拍照，更衣室內有另外兩名「炸彈兵團」成員安東尼同杜維爾馬拉西亞，至於養緊傷嘅利辛度馬天尼斯亦都入鏡。即使已經被曼聯邊緣化，但佢哋都笑晒口兼擺出手指公同V字手勢，完全唔覺得被「遺棄」後有咩唔開心。